- O'yinni yaxshi boshladik. Xatolarimiz qimmatga tushdi. Bu bahona bo'lmaydi. O'tgan o'yindan keyin yo'l azobi bo'ldi va futbolchilarni tiklashga ulgurmadik. Shu sababli o'yin qiyin bo'ldi.
- Jamoa o'tgan turda "Andijon"ni mag'lub qildi. Bugun jamoaga nima etishmadi.
- Bugun charchoq evaziga mag'lub bo'ldik deb o'ylayman. Chunki biz "Andijon"ga qarshi o'yinda katta kuch yo'qotdik. Keyin yana yo'l, Toshkentgacha, keyin Farg'onagacha. Xohlaymizmi yo'qmi, futbolchilarda charchoq bor edi. O'yinni yaxshi boshlagandik, 15-20-daqiqalardan keyin xatolar qilishni boshladik va gollar qo'yib yubordik. Charchoq evaziga koncentraciyani yo'qotdik va xatolar evaziga gollar qo'yib yubordik.
- Bugungi mag'lubiyatda darvozabonning qanchalik aybi bor?
- Endi bu futbol. Darvozabonimiz balki xato qilgandir, balki xato qilmagandir. O'yinni ko'rib taxlil qilib, keyin aytishim mumkin. Xato hammamizniki. Murabbiylar, futbolchilar, shu klubda ishlayotgan barchaning xatosi bu. Biz xato qilayotgandirmizki, ishlashda davom etamiz. Keyingi o'yinlarda bu xatolarni qilmaslikka harakat qilamiz.
- "Mashal" yoshlar bilan yaxshi ishlaydi. Klubning o'z akademiyasi bor. Siz o'rinbosarlar jamoasi o'yinlarini kuzatib borasizmi?
- Yoshlarimizning har bir o'yiniga boramiz. O'yinlarimiz yaqin bo'lmasa borib ko'ramiz. Chunki biz yoshlarni ko'proq o'ynatishni xohlaymiz. "Paxtakor"ga qarshi kubok o'yini bor, o'sha bahsda bir qancha yoshlarni sinab ko'rmoqchimiz. Bugun yosh futbolchimiz Farruh Toshpo'latovni 10 daqiqaga maydonga tushirdik, bu u uchun debyut o'yin. "Neftchi"dek jamoaga qarshi o'yinda yomon taassurot qoldirmadi. Bunday yosh futbolchilar bizning U21, U19 jamoalarimizda juda ko'p. Ularga sekin-sekin imkoniyat berishimiz kerak. Bizda ham asosiy tarkibda futbolchilarimiz ko'p. Shuni inobatga olib, yoshlarga doim ham imkoniyat bera olmayapmiz. Nasib bo'lsa o'z ochkolarimizni yig'ib olsak, asosiy tarkibdagi bir qancha futbolchilarning o'rnini yoshlar bilan to'ldirmoqchimiz. Bu borada klubdagilar, jamoadagilar ham ishlamoqda. Bundan keyin ham yoshlarga imkoniyat qaratishga harakat qilamiz.
Bosh sahifaga
257
