Biz mashg'ulotdamiz. Ko'rdik, murabbiy kelganini. Kelishuv bo'lgani haqida xabarimiz yo'q. Bu terma jamoa, biz vatan jamoasi uchun eng yaxshisi bo'lishini tilaymiz. Xayrli bo'lsin. Bu jamoani kim boshqarishidan qatiy nazar O'zbekiston terma jamoa uchun muxlislik qilamiz. Men haqimda ilk fikrlar bildirganlarga minnatdorchilik bildiraman. Barchaga rahmat aytaman.
Rahbariyat ham tajribali va JCHni ko'rgan mutaxassisni olib kelish niyatida. O'ylaymanki, bu balki yaxshilikka. Biz ham doim vatanimiz termasi uchun yordam beramiz.
Rahbariyat qanday qaror qabul qilsa, biz buni qo'llab turamiz. Biz murabbiyga emas, terma jamoaga muxlislik qilamiz. Biz birinchi marta JCHga chiqdik. Vaqt oz qoldi va biz bu turnirga yaxshi holatda borishimiz lozim. Kim bo'lishidan qatiy nazar biz terma jamoaga foydamiz tegsa, xursand bo'lamiz.
Terma jamoa uchun harakat qilish - sharaf. Biz bu libosda bo'lishga munosib bo'lishga harakat qilamiz.
Xudoga shukur, menga berilgan vazifani bajardim. 34 yillik orzuni amalga oshirdik. Bundan barcha xursand bo'ldi. Qolgani barchasi yaxshilikka bo'ladi. Ko'ryapsizlar, so'nggi yillarda yurtboshimiz tomonidan futbolni rivojlantirish uchun barcha ishlar amalga oshirilmoqda. Kelajagimiz bundanda yaxshi bo'ladi.
Biz o'z ustimizda ishlaymiz. Yanada kuchli bo'lishga harakat qilamiz. O'sha gap, terma jamoamiz yaxshi natijalarga erishishini tilab qolamiz. Biz bundan faqatgina xursand bo'lamiz.
Bosh sahifaga
75
