Qanot hujumchisi Antoni "Manchester Yunayted"dan "Betis"ga 22+3 million evro evaziga o'tdi. Malum qilinishicha, transfer oynasining so'nggi kunida "Bavariya" braziliyalik futbolchini 30 million evroga o'z safiga qo'shib olishga uringan va unga yiliga 7 million evro maosh bilan shartnoma taklif etgan.
"Kelishuv yakunlanishidan bir kun oldin "Bavariya" rahbariyati bilan suhbatlashdim. Biroq ularga "Betis" bilan kelishuv 95 foiz yakunlanganini va so'zimda turishimni aytdim. Men buni hurmat va muhabbat tufayli, shuningdek, bu erda juda baxtli ekanligimni bilganim uchun qildim.
Ular haqiqatan ham menga 7 million evro taklif qilganmi yoki yo'qmi, bilmayman. Jahon darajasidagi "Bavariya"ga bo'lgan hurmatim bilan, qaror qabul qilish men uchun oson bo'ldi. Kelajakda nima bo'lishini bilmayman, lekin juda xotirjamman.
Beshtadan ortiq klub men bilan bog'landi. Ammo har doim aytganimdek, "Betis" mening ustuvor tanlovim edi," - dedi Antoni COPE bilan suhbatda.
Bosh sahifaga
244