Deputat Abzal Kuspan Bosh prokuror Berik Asilovga huquq-tartibot idoralari ishtirokida ana shunday faktlar bo'yicha tergov boshlanishini so'rab deputatlik so'rovi yubordi, deb yozmoqda "Kazinform.
"Tegishli tuzilmalarni jalb qilgan holda Qozog'iston futbolida qayd etilgan kelishilgan o'yinlar faktlarini har tomonlama tekshirishni tashkil qilishingizni so'rayman”, – dedi deputat.
Sportradar xalqaro kompaniyasi malumotlariga ko'ra, 2022 yilda Qozog'iston aniqlangan kelishilgan o'yinlar soni bo'yicha dunyoda 4-o'rinni egallagan.
"Bu adolatsiz o'yin keng tarqalgani va rasmiy etirof etilganini tasdiqlaydi", – dedi Kuspan.
Shuningdek, u Qozog'iston futbol federaciyasi prezidenti Marat Omarov muammo borligini tan olgani, ammo uni hal qilish bo'yicha tizimli chora-tadbirlar haligacha ko'rilmaganini takidladi. Shu bilan birga, jamoat tashkilotlari va ommaviy axborot vositalarida bukmekerlar o'yinlarni liniyalardan olib tashlashi holatlari qayd etilmoqda, biroq bu faktlar o'rganilmaganligicha qolmoqda.
Xalqaro tajriba misolida Kuspan bir qator holatlarni keltirdi:
Germaniya (2005) – hakam Robert Xoyzer kelishilgan uchrashuvlarda qatnashgani uchun 2 yilu 5 oyga qamalgan;
Janubiy Koreya (2011) – 57 nafar futbolchi jazolangan;
Italiya (2015) – klub prezidenti Antonio Pulvirenti javobgarlikka tortilgan, jamoa evrokuboklardan chetlashtirilgan;
Xitoy (2013) – yuqori martabali futbol amaldorlari va hakamlari 5 yildan 10 yilgacha qamoq jazosiga hukm qilingan;
Vetnam (2005) – terma jamoa futbolchilari 3-4 yilga qamalgan.
Deputatning fikricha, bu muammo sport doirasidan tashqariga chiqib ketgan. Davlat organlaridagi qonunbuzarliklar bilan bir qatorda kvazidavlat sektorida, tijorat va nodavlat tashkilotlarida ham firibgarlik sxemalari va moliyaviy maxinaciyalar qayd etilib, etkazilgan zarar miqdori millionlab, hatto milliardlab tengega etadi.
252841630173983921 
Bosh sahifaga
371
4 Sentabr 2025, 13:00