Portugaliya terma jamoasi hujumchisi Lissabondagi sport markazining 100% akciyalarini xarid qildi hamda sotib olish va tamirlash uchun taxminan 5 million evro (taxminan 5,4 million dollar) sarmoya kiritdi. 100 000 ga yaqin aholisi bo'lgan Lissabon chetida joylashgan Oeyrash shahrida joylashgan inshoot birinchi navbatda tez rivojlanayotgan sport turi bo'lgan padel uchun mo'ljallangan.
Portugaliya padel federaciyasi (FPP) prezidenti Rikardu Oliveyraning so'zlariga ko'ra, Ronalduning kelishi sportni butunlay o'zgartirib yuboradi:
"Krishtianuning ishtiroki padelni nafaqat Portugaliyada, balki butun dunyo bo'ylab o'zgartiradi. U har kuni futbol maydonida mashg'ulot o'tkazadi, lekin menga aytishlaricha, u deyarli har kuni padel o'ynaydi. U haqiqatan ushbu sport turini juda yaxshi ko'radi".
Ronaldu avvalroq o'zining ijtimoiy tarmoqlarida padel kliplarini baham ko'rgan va o'zining barcha platformalardagi muxlislarini bu sport bilan tanishtirgan.
Bosh sahifaga
234