Grek nashri Outsiders xabariga ko'ra, Afinaning "Panatinaikos" klubi rahbarlari mutaxassisni o'z jamoasiga taklif qilishdan jiddiy manfaatdor.
Manbalarga ko'ra, klub boshqaruvchilari tuzgan qisqa ro'yxatda birinchi o'rinni aynan ukrainalik mutaxassis egallab turibdi. Grek tomoni Rebrovga uch marta qo'ng'iroq qilgan va muzokara olib borishga uringan. Ilk ikki urinishda murabbiy "bu imkoniyat haqida eshitishni ham istamagan", biroq uchinchi martada suhbat ijobiy natija berishi mumkin.
Shuningdek, xabarda takidlanishicha, agar Rebrovning terma jamoadan ketish masalasi hal etilsa, katta ehtimol bilan u milliy jamoalar o'yinlari uchun beriladigan navbatdagi tanaffusdan so'ng "Panatinaikos" bosh murabbiyi sifatida ish boshlaydi. Chunki moliyaviy jihatdan tomonlar o'zaro kelishuvga erishgan.
Eslatib o'tamiz, Sergey Rebrov 2023 yili Ukraina terma jamoasi bosh murabbiyi etib tayinlangan edi. Uning qo'l ostida jamoa faqat bir yirik turnir — Evro-2024da qatnashdi. Ukraina Belgiya, Slovakiya va Ruminiya bilan bir guruhda to'p surdi. To'rt ochko to'plaganiga qaramay, gollar nisbati bo'yicha oxirgi o'rinni egalladi.
Hozirgi kunda Ukraina termasi jahon chempionati-2026 saralashida ikki o'yin o'tkazib, bir ochko jamg'ardi. Rebrov shogirdlari o'z guruhida uchinchi o'rinni egallab turibdi.
123058574739619 
Bosh sahifaga
182
28 Sentabr 2025, 11:16