Statistikaga nazar tashlaydigan bo'lsak, "Nasaf" shu paytgacha Osiyo Chempionlar Ligasida o'z maydonida Saudiya Arabistoni klubi bilan faqat bir marta o'ynagan. Bu voqeaga ham 10 yil bo'libdi. O'shanda "Nasaf" Qarshida "Al Ahli"ni qabul qilib, bahs 0:0 hisobida yakun topgandi. Quyida shu uchrashuvni yodga olamiz.
05.05.2015. "Nasaf" - "Al Ahli" 0:0
Qarshi, Markaziy stadion. 16,000 tomoshabin.
Bosh hakam: Masaaki Toma (Yaponiya)
"Nasaf": Eldor Suyunov, Roy Rok, Maqsud Karimov, Hamza Karimov, Sherzod Azamov, Erkin Baydullaev, Odil Hamrobekov (Ilhom Yunusov, 82), Shohruh Gadoev (Botir Qoraev, 90), Bahrom Abdurahimov, Artur Gevorkyan, Ilhom Shomurodov.
Zaxirada qolganlar: O'tkir Yusupov, Alibek Turobov, Sharof Muhitdinov, Aziz G'aniev, Akrom Bahriddinov.
Ogohlantirish: H.Karimov, R.Rok.
Chetlatish: B.Abdurahimov.

Demak, 2015 yilgi "Nasaf" – "Al Ahli" uchrashuvida hisob ochilmagan. Tarkibni ham keltirib o'tdik. Bu o'yinni hozir kimdir eslaydi, kimdir yo'q. Bahrom Abdurahimov 71-daqiqada qizil kartochka olib maydonni tark etgan. "Nasaf" bir kishi kam 20 daqiqani o'tkazib o'z darvozasi daxlsizligini saqlab qolgan.
Va yana bir qiziq malumot: 10 yil oldingi bahsda zaxirada o'tirgan Sharof Muhitdinov hozir ham "Nasaf"da va u jamoaning asosiy futbolchilaridan biri hisoblanadi.
2015 yil "Al Ahli" 12 ochko to'plab guruhdan birinchi o'rin bilan chiqqan bo'lsa, "Nasaf" 8 ochko bilan o'z ishtirokini OCHL guruh bosqichida tugatgan. Bugun "Al Hilol" bilan kechadigan uchrashuvda qarshiliklarga omad tilab qolamiz.
Xayrulla Xoliqov



Bosh sahifaga
607
29 Sentabr 2025, 15:31