- O'yin haqida fikringiz?
- "Buxoro"ga qarshi bu jamoaning oxirgi o'yinlarini ko'rib chiqqan holda jiddiy tayyorgarlik ko'rgandik. Raqib asosan uzun to'p to'zatishlar bilan o'ynashini bilardik. Qarshi hujumlarda va standart vaziyatlarda ehtiyot bo'lishimiz kerakligini yigitlarga uqtirgandik. Va tezkor gol urish kerakligini aytgandik. Jamoamiz harakat qildi, ammo "Buxoro" darvozaboni bir necha bor goldan qutqardi.
- Bugun "Mashal"ga aynan nima etishmadi?
- Shijoat, o'yinga chanqoqlik etishmadi. Harakat qildik, ko'p vaziyatlar bo'ldi, lekin baribir shijoatni ko'rmadim. Raqib 10 kishi bo'lib qolganidan keyin futbolchilarimiz endi oson yutamiz deb o'ylashdi chog'i.
- "Mashal" xavfli zonada boryapti, shunday pallada futbolchilarga shijoat etishmasligi g'alati emasmi?
- Biz har bir o'yinga jiddiy tayyorlanamiz va "Buxoro" bilan qanday bahs kechishini ham bilardik. Lekin raqib jamoa o'z jarima maydonchasi yaqinida "avtobus" qo'ygach gol urish qiyin bo'ldi. Tezkor to'p kiritganimiz ham futbolchilar ruhiyatiga tasir qildi. Ammo to'p nazorati ko'proq biz tomonda bo'ldi.
- "Mashal" gol o'tkazish bo'yicha "Sho'rtan"dan keyin ikkinchi o'rinda boryapti. Himoyada qanday kemtiklarni ko'ryapsiz?
- Himoyamizni ancha yaxshilab oldik. Har holda oxirgi uchrashuvlarda ko'p gol qo'yib yubormayapmiz.
- Sardor Abduraimov maydonni tark etayotganida unda norozilik kayfiyati sezildi.
- Menimcha, gol ura olmagani uning jahlini chiqardi. Bu tabiiy holat, chunki yutishni xohlagandik. Lekin Sardor bilan hech qanday muammomiz yo'q.
Bosh sahifaga
207
