Nani: "Amorimga vaqt kerak"

"Muxlislarning tezroq natijani istashi jamoani qaytadan qurayotgan istalgan murabbiy uchun qiyinchilik tug'diradi. Buni to'g'ri tushunish kerak. Albatta, muxlislar natijani istashadi. Lekin o'yinni ko'rar ekanmiz, rostdan ham jamoaga vaqt kerak. Umid qilamanki, kelgusi o'yinlarda bizda natijada ham barqarorlik bo'ladi.

Amorim jamoaga ko'p yaxshi yangiliklar olib kirdi. Ko'rib turibmiz, u futbolchilarga bu jamoada o'ynash qanchalik masuliyatli ekanligini ko'rsatishga harakat qilmoqda.

U o'zining asosiy sifatlarini jamoaga bera oladi. Shu sababli hozir klubga o'z istaklarini to'g'ri etkazib bera oladigan murabbiy kerak edi. Shundan keyin murabbiy o'z ishini bajara oladi.

Bu vaqt masalasi. Hali muxlislar yana tabassum qila olishadi", - dedi Nani.