"Paxtakor" akademiyasi eng yaxshi maktablar yuztaligiga kirdi

 U mustahkam bo'lsagina yaxshi meva bera oladi, yuksak cho'qqilarga chiqa oladi. Biladiki u hech narsadan qo'rqmaydi, chunki "fundament" mustahkam. 

Milliy terma jamoadan tortib qolgan yosh toifalariga futbolchi etkazib berishda azaldan "Paxtakor" "baza" vazifasini o'tab kelgani sir emas. Mirjalol Qosimovdan tortib Azamat Abduraimovlargacha, Bugaloni aytamizmi yoki Shirshov tarix zarvaraqlari bunga guvoh. 

Avvalgi maqolalarda aytganimizdek "Paxtakor"ning so'nggi yillarda to'g'ri yo'lga tushib o'z maktabiga katta etibor qaratayotgani o'z samarasini ko'rsatmasdan qolmayapti. Darhaqiqat, klub transfer siyosatida ham, futbolchi etkazib berishda ham etakchilikni yana qo'lga olmoqda. Birgina Ulug'bek Hoshimovni sotish va ortga qaytarish orqali klub ikki karra mablag' ishladi. Muhammadali O'rinboevni Evropa klubiga transfer qildi, bir paytlar CSKAga yo'l olgan Abbos Fayzullaevdan ulush oldi, Azmiddinov va Mahamadjonovlar ham tekinga ketmadi. 

Endi mavzuga kelsak, "Paxtakor"dan bu yilning (oxirgi yig'indagi ro'yxat asosida) o'zida barcha terma jamoalarga jami 35 nafar futbolchi jalb qilindi. Bu o'z-o'zidan bo'layotgani yo'q albatta. Xojiakbar Alijonov, Igor Sergeev, Xojimat Erkinov, Jamshid Iskanderov, Oston O'runovlar shular jumlasidandir. 

Garchand hali ochilmagan bo'lsada, Qibrayda "AKFA Xolding" tomonidan 96 kishilik yangi bino qurildi. Infratuzilma yildan-yilga yaxshi tomonga o'zgarmoqda. Kuchli infratuzilma yanada yangi nomlarni yuzaga chiqarishida muhim omil bo'lib xizmat qilishi aniq.

Xalqaro sport tadqiqotlari markazi yani CIES ekspertlari esa buni o'rganib borgan holda "Paxtakor"ni Jahonning eng yaxshi yuzta akademiyalari qatoriga kiritdi. Klub rasmiy uchrashuvlarda qatnashgan jami 57 nafar futbolchini tayyorlab bergan. "Sherlar" 49 ta ligadan olingan 100 ta akademiya ichida 90-o'rinni band qilgan. Ro'yxat karvonboshisi Portugaliyaning "Benfika" klubi hisoblanadi. Keyingi o'rinlarni "Barselona" va "River Pleyt" akademiyalari egallagan. 

Umid qilamizki, keyingi yillarda bu ro'yxatdan yana bir nechta o'zbek klublari joy oladi. O'zbekistonda birgina "Paxtakor" emas, "Bunyodkor", "Nasaf" klublarining futbol maktablari ham borligini, ular ham milliy terma jamoa yo'lida yaxshi ijrochilarni etishtirib berayotganini qayd etib o'tishimiz joiz. "Paxtakor" esa bu yo'lda yana dadil qadamlar bilan oldinga intilishda davom etadi va o'z o'rnini mustahkamlashiga ishonamiz.