"Kecha ham qiyin o'yin bo'lishi haqida aytgan edim. O'yin bir golgacha davom etadigan edi, shunday ham bo'ldi. Barchani tabriklayman" - dedi Kamoliddin Tojiev finaldan so'ng.
"Barcha muxlislarimizni tabriklayman. O'yin qiyin kechdi va bunday bo'lishini bilardik. O'zimizga kerakli natijani qo'lga kiritdik", - dedi Hojiakbar Alijonov.
Hojiakbar Alijonovga savol
— Bahsli epizodlar nima sababdan kelib chiqdi?
— Men ham tushunmadim nega bunday to'polon qilishganini. Menimcha, bunday futbol o'ynash yaxshi emas.
— Bashar Resan nega bugun zaxirada qoldirildi?
— O'tgan o'yin to'liq 90 daqiqa harakatlangan edi. Bu safar tayyor futbolchilarni maydonga tushirdik. Bashar "Xorazm"ga qarshi o'yinda ko'p kuch yo'qotgandi.
— Bashar Resan qizil kartochka olganda sizda "B" plan bormidi?
— Yo'q. Chetlatish haqida o'ylamagandik. Bir o'sha vaziyatda 1:0 hisobida g'alaba qozonayotgan edik. Agar chetlatish bo'lganida, zaxiradan yana bir himoyachini maydonga tushirishga tayyor edik va hisobni ushlab qolishga harakat qilardik.
Hojiakbar Alijonovga savol
— Shahboz Jo'rabekov bilan maydonda ko'p to'qnash keldingiz. Ikki futbolchi o'rtasidagi bunday shiddatli o'yinga nima sabab bo'ldi?
— Jo'rabekov bosh murabbiy ko'rsatmasini bajardi deb o'ylayman. Maydonda chog'imiz raqib bosh murabbiyi menga yaqinroq o'ynash kerakligini maslahat berdi. Menimcha, shu sabab. Qiyin bo'ldi.
— Bir vaziyatda siz va Xomyakov o'rtangizda muloqot bo'ldi. O'sha vaziyatda qanday muloqot kechdi?
— Bu futboldagi oddiy bir holat. Xomyakov o'z fikrini aytdi, men esa o'zimning fikrimni bildirdim.
— "Buxoro"ning bekor qilinganini golining takrorini ko'rdingizmi?
— Yo'q, hali ko'rganim yo'q. Yordamchilar aytishi bo'yicha ikkita ofsayd bo'lgan ekan.
— Murabbiy sifatidagi dastlabki sovrinni qo'lga kiritdingiz. Rahbariyat bugungi sovrin uchun qanday rag'batlantirish vada qildi?
— Hali hech kim bu haqda gapirmadi.
— Yil boshida jamoada emas edingiz. Bosh murabbiy sifatidagi ilk sovrinni yutdingiz. Bugungi o'yindan so'ng nimalarni his etdingizmi? Qanday hissiyotlar o'tdi?
— Hozir eng baxtli insonman, ochig'i. Bu juda katta yutuq va men juda xursandman. Yigitlarga rahmat aytaman. Senlar o'zlaring imkoniyat bermasalaring, hech kim senlarni enga olmaydi deb aytib kelaman.
— Hojiakbar Alijonov
"Doktorimizga ham rahmat. Iltimos, ushbu so'zlarimni etibordan chetda qoldirmanglar. Ushbu gap o'zlariga etib borsin"
105026511739608 
Bosh sahifaga
248
30 Oktyabr 2025, 11:35