Taniqli futbolchi Sardor Rashidov chempionlik va boshqa mavzularda fikrlari bilan o'rtoqlashdi.
- Bu yilgi O'zbekiston Superligasini kuzatdingizmi?
- Albatta. O'zbekiston Superligasining deyarli barcha o'yinlarini Dubaydan turib bo'lsa-da kuzatdim. Bu yil kutilmagan chempion bo'ldi. Qaysidir manoda, "Neftchi"dan hech kim kutmagandi. "Neftchi" oldinlari ham chempionlik uchun kurashgandi. Bu yil o'zini ko'satib, haqli chempionlikni qo'lga kiritdi. Mazkur yutuq bilan klub futbolchilari va muxlislarini tabriklayman! Muxlislar 24 yildan beri kutishgandi va bunga erishishdi.
- Sizningcha, Superliganing 2025 yilgi eng yaxshi futbolchisi kim?
- Men uchun Jamshid Iskanderov. Bu sovrinni Igor Sergeev oldi. Biroq hammaning o'z qarashi bor. Igor ham bunga haqli, to'purar bo'ldi. O'ylashimcha, Jamshid Iskanderov loyiq edi.
- O'zbekistonning eng yaxshi futbolchisi sovrinini kim qo'lga kiritadi deb o'ylaysiz?
- Eldor Shomurodov.
Bosh sahifaga
193