"So'nggi yillarda viloyatimizda futbol va futzal sport turlariga qaratilayotgan etibor sezilarli darajada oshdi. Ikkinchi liga musobaqalari ham muntazam ravishda yuqori saviyada, raqobatbardosh tarzda o'tkazib kelinayotgani buning yaqqol isbotidir.
Yangi tashkil etilgan futzal jamoasi tarkibi asosan Xorazm viloyatining iqtidorli va istiqbolli yosh futbolchilaridan shakllantirilgan. Jamoa qisqa vaqt ichida o'z o'yin uslubi, intizomi va salohiyati bilan etibor qozonmoqda.
Bosh murabbiy: Respublika miqyosida tanilgan va tajribali mutaxassis Furqat Xayrullaev.
Bosh direktor: Mirjalol Qurbonov. U yaqin o'tmishda Xorazm futbol jamoatchiligi orasida hurmat qozongan, yorqin o'yinlari bilan tanilgan sportchi hisoblanadi.
"Xorazm" futzal klubi hozirda Jizzax shahrida O'zbekiston Birinchi ligasi bahslariga puxta tayyorgarlik ko'rmoqda", – deyiladi klub matbuot xizmati xabarida.
Birinchi liga musobaqalarining 1-tur o'yinlari 11–14 dekabr kunlari Jizzax shahrida bo'lib o'tadi.
Bosh sahifaga
226
