25 yoshli Angliya terma jamoasi himoyachisi yozda "Liverpul"ga o'tishi amalga oshmaganidan so'ng, 2026 yilning 30 iyuniga qadar mo'ljallangan shartnomani uzaytirmaslikka qaror qildi va London klubini erkin agent huquqi asosida tark etadigan bo'ldi.
"The Times" nashrining xabar berishicha, "shaharliklar" so'nggi bir necha mavsum davomida Gexining o'yinini diqqat bilan kuzatib kelishgan. Hozirda Mark yozda himoya chizig'ini qayta qurmoqchi bo'lgan "Siti"ning asosiy transfer maqsadiga aylandi.
"Man Siti" himoyachisi, shartnomasi yozgacha mo'ljallangan Jon Stounz, agar sport formasini tiklab, barqaror o'yin ko'rsata olsa, kelishuvni uzaytirish bo'yicha taklif oladi. Natan Ake ushbu mavsumda Angliya chempionatining faqat bitta o'yinida asosiy tarkibda maydonga tushdi, Manuel Akanji esa "Inter"da ijarada – har ikki 30 yoshli himoyachi yozda "Siti"ni tark etadi.
Shu munosabat bilan, Gexining yozdagi transferi Pep Gvardiola jamoasi uchun ideal variant hisoblanadi. Biroq "Kristal Pelas" hech bo'lmaganda qandaydir mablag' ishlab olish uchun o'yinchini qishdayoq sotishga tayyor. Markka bir qancha klublar qiziqish bildirmoqda.
120468005739615 
Bosh sahifaga
231
Bugun, 00:27