Uotkins: "Emeri - taktik daho"

Londonda o'tgan "Chelsi" – "Aston Villa" uchrashuvi 2:1 hisobida birmingemliklar foydasiga hal bo'ldi. Uchrashuv davomida maydon egalari 63-daqiqaga qadar 1:0 hisobida oldinda bordi, ammo keyin mehmonlar hisobni tenglashtirib, o'yin oxirida g'alabani ilib ketdi — 2:1. Ikkala golga ham Olli Uotkins mualliflik qildi.

"U taktikani o'zgartirdi, chunki "Chelsi" shaxsiy qo'riqlashda o'ynayotgandi, biroq biz pas berayotganimizda ularda qo'shimcha markaziy himoyachi bor edi. Ikkinchi bo'limda maydonga tushganimda, u Jeydon Sancho va Morgan Rojersni qanotlarga chiqardi, Yuri Tilemansni esa "o'nlik" poziciyaga qo'ydi. Shu tariqa bizda qo'shimcha o'yinchi paydo bo'ldi. U — haqiqiy taktik daho. Ikkita gol urib, "Chelsi"ni mag'lub etish — juda ajoyib his", – dedi Uotkins.

Unai Emeri jamoasi 40 ochko jamg'arib, turnir jadvalida uchinchi o'rinni mustahkamlab oldi.