Bugun MYU Amorimni bosh murabbiy lavozimidan bo'shatganini rasman elon qildi. Jurnalist Rich Feyning xabariga ko'ra, norvegiyalik mutaxassis klubga vaqtinchalik murabbiy sifatida yordam berishga tayyor.
Eslatib o'tamiz, Sulsher avvalroq 2018 yilning dekabridan 2021 yilning noyabrigacha "qizil iblislar"ni boshqargan edi. Uning qo'l ostida jamoa APLda 2- va 3-o'rinlarni egallagan, shuningdek, Evropa Ligasi finaliga qadar etib borgan.
Ayni damda "Manchester Yunayted" APLda 20 turdan so'ng 31 ochko bilan turnir jadvalining 6-pog'onasida bormoqda.
Avvalroq "Yunayted" Amorimning o'rniga asosiy nomzod sifatida "Kristal Pelas"ni boshqarayotgan Oliver Glasnerni ko'rayotgani xabar qilingandi. Shuningdek, nomzodlar qatorida Kiran Makkenna ("Ipsvich"), Enco Mareska (sobiq "Chelsi") va Germaniya terma jamoasi ustozi Yulian Nagelsmann bor. Shu bilan birga, klub vaqtinchalik murabbiy tayinlash variantini ham ko'rib chiqmoqda.
2212610318739688 
Bosh sahifaga
220
6 Yanvar 2026, 09:37