"Andijon"da serbiyalik murabbiy ish boshladi

Bu haqda klub matbuot xizmati malum qildi.

"Andijon" klubi murabbiylar shtabiga yangi mutaxassis qo'shildi. Endilikda serbiyalik tajribali mutaxassis Branko Chirich jismoniy tayyorgarlik bo'yicha murabbiy sifatida ish boshladi. 

U 1983 yilning 21 may sanasida tavallud topgan. Chirichning oxirgi klubi Qozog'istonning "Astana" klubi hisoblanadi. Shuningdek, "Vojdovac" (Serbiya), "Aktau" (Qozog'iston), "Radnichki" (Serbiya),  "Chukarikchi" (Serbiya) kabi klublarda ham jismoniy tayyorgarlik bo'yicha murabbiy sifatida ishlagan. 

"Astana" bilan mamlakat chempionligiga va Kubokka erishgan. Qolaversa, u Evropa hamda Konferenciyalar Ligasida ham ishtirok etgan.

Chirich tajribali mutaxassis bo'lib, endilikda futbolchilarimizning jismoniy holatini yanada yaxshilab boradi", – deyiladi xabarda.

Avvalroq "Andijon" hujumchisi Ozarbayjonga yo'l olgani haqida xabar bergan edik.