Skoulz derbidagi g'alabadan so'ng Martinesni ogohlantirdi

Biroq argentinalik himoyachi afsonaning fikri xatoligini isbotladi.

Skoulz Martinesning "Manchester Siti"ga qarshi o'yinini yuqori baholab, unga hurmat bildirdi, ammo bu yagona o'yin markaziy himoyachiga ortiqcha baho uchun asos bo'lmasligi kerakligini takidladi:

"Tanqid odamlarni rag'batlantiradi. Martinesning shanba kungi o'yinida bizni ham malum bir darajada hissamiz bor deb o'ylayman. U ajoyib o'yin o'tkazdi, ammo sen ko'p gapira boshlasang, tilni ortiqcha ishlatsang, futbol odatda qaytib kelib seni jazolaydi.

Men hali fikrimni o'zgartirganim yo'q. Hali ham u bilan chempionlikni qo'lga kiritish mumkinligiga ishonmayman. U hali ko'p narsani isbotlashi kerak. Shanba kuni qilgan ishi — ajoyib, lekin buni doimiy ravishda ko'rsatishing shart", – dedi Skoulz.