"Sankt-Pauli" klubi prezidenti hamda Bundesliga va Germaniya futbol federaciyasi ijroiya qo'mitasi azosi Oke Gyottlix AQSH prezidenti Donald Tramp va uning Grenlandiya bo'yicha bayonotlari sababli 2026 yilgi jahon chempionatini boykot qilish masalasini muhokama etishga davat etdi.
"Evropaga bilvosita, ehtimol yaqin kelajakda to'g'ridan-to'g'ri tahdid solayotgan mamlakatda evropaliklar musobaqalarda qatnashishi kerakmi, degan savol haqiqatan ham o'rinlidir," deya Gyottlixning so'zlarini keltiradi City A.M.
Bundan oldin Tramp Daniya avtonom hududi hisoblangan Grenlandiyada raketaga qarshi mudofaa tizimlarini joylashtirish uchun AQSH nazoratini o'rnatish istagini bildirgan edi.
2026 yilgi jahon chempionati uch mamlakat - AQSH, Kanada va Meksika hududida o'tkaziladi. Musobaqa 11 iyunda boshlanib, final 19 iyulda bo'lib o'tadi.
Bosh sahifaga
699
22 Yanvar 2026, 15:52