Londonliklar yozgi transfer oynasida bu futbolchini qo'lga kiritish imkoniyatini ko'rib chiqmoqda. Manbaga ko'ra, "kanonirlar" ispaniyalik himoyachini anchadan beri kuzatib keladi, biroq hozircha uni sotib olish bo'yicha aniq qadamlar tashlamagan.

Valdepenyas "Real Madrid Kastilya" safida o'ynaydi, shuningdek, Ispaniya U-19 terma jamoasi azosi hisoblanadi. Himoyachining "Real" asosiy jamoasidagi debyuti o'tgan yilning 14 dekabrida – Ispaniya La Ligasining 16-turida "Alaves"ga qarshi o'yinda bo'lib o'tgan.
Ushbu bahsda Valdepenyas maydonda 78 daqiqa harakat qildi va jamoasining safardagi 2:1 hisobidagi g'alabasiga hissa qo'shdi. Bu o'yin yana bir jihatdan tarixiy bo'ldi — Viktor Xabi Alonso bosh murabbiy etib tayinlanganidan keyin "Real" akademiyasidan asosiy jamoada debyut qilgan ilk futbolchiga aylandi. Shu o'yingacha u asosiy tarkib qaydnomasiga ham kiritilmagan edi.



Bosh sahifaga
619
27 Yanvar 2026, 12:11