O'zbekistonda 2025 yilning eng yaxshilari aniqlandi

Kun tartibidan O'zbekiston futbol associaciyasining 2025 yil davomida amalga oshirgan faoliyati, bajarilgan ishlar tahlili, moliyaviy hisobot hamda kelgusi yilga mo'ljallangan ustuvor rejalar o'rin oldi. Shuningdek, milliy futbolni yanada rivojlantirishga qaratilgan qator tashkiliy va strategik masalalar muhokama qilinishi rejalashtirildi.

Bundan tashqari, Kongress doirasida ananaviy tarzda “Yilning eng yaxshilarini taqdirlash” marosimi ham bo'lib o'tdi. Unda yil davomida eng yaxshi natijalar qayd etgan futbolchilar, murabbiylar, hakamlar hamda futbol rivojiga munosib hissa qo'shgan tashkilot va shaxslar taqdirlandi.

YANGILASH

Yilning "Eng yaxshi hakami" — Ilgiz Tantashev. Klublar o'rtasidagi Jahon chempionatida muhim uchrashuvlarni boshqargan, xalqaro musobaqalarda faoliyat olib borgan hamda 2026-yilda AQSH, Kanada va Meksikada bo'lib o'tadigan Jahon chempionati o'yinlariga nomzod sifatida qayd etilgan Ilgiz Tantashev «Yilning eng yaxshi hakami» sifatida etirof etildi.

Ayollar Oliy ligasining "Eng yaxshi to'purari" — Diyor Xabibullaeva ("Sevinch"). Qarshining "Sevinch" jamoasi futbolchisi Diyor Xabibullaeva 31 ta gol bilan to'purarlar poygasida etakchi bo'ldi.

Yilning "Eng yaxshi yosh futbolchisi" - Sadriddin Hasanov. "Bunyodkor" va O'zbekiston U-17 terma jamoasi futbolchisi Sadriddin Hasanov uchun 2025 yil yutuqlarga boy bo'ldi deya olamiz. Hasanov Saudiya Arabistonidagi U-17 Osiyo Kubogida yorqin o'yinlar ko'rsatdi. Bir qator gollarga mualliflik qildi. Qatardagi U-17 Jahon chempionatida ishtirok etdi. 

Ayollar futboli bo'yicha yilning "Eng yaxshi murabbiyi" — Vladislav Xan ("Sevinch"). Ayollar futbolida katta tajribaga ega bo'lgan Vladislav Xan "Sevinch" bilan OCHL yo'llanmani qo'lga kiritdi, bir qator yutuqlarga erishdi. 

Ayollar Oliy ligasining "Eng yaxshi futbolchisi" — Nilufar Qudratova. "Sevinch" jamoasi futbolchisi Nilufar Qudratova mavsum davomida o'zining yorqin o'yinlari bilan ajralib turdi. 

Ayollar futboli bo'yicha yilning "Eng yaxshi futbolchisi" - Diyor Xabibullaeva. "Sevinch" jamoasi futbolchisi Diyor Xabibullaeva to'purarlik bilan birga ayollar orasida eng yaxshi futbolchi sovrinini ham qo'lga kiritdi.

Yilning "Eng yaxshi murabbiyi" - Timur Kapadze. 2025 yilda O'zbekiston milliy terma jamoasi tarixda ilk bor Jahon chempionati yo'llanmasini qo'lga kiritdi. Bir necha yil oldin boshlangan yo'lga "oq bo'rilar" Kapadze boshchiligida yakun yasadi. Tajribali mutaxassis 2022 va 2024 yilda ham ushbu nominaciyada g'olib chiqqan edi.

Yilning "Eng yaxshi futbolchisi" - Eldor Shomurodov. "Istanbul Bashakshehir" va O'zbekiston terma jamoasi hujumchisi ovoz berish natijalariga ko'ra, yilning "Eng yaxshi futbolchisi" deb topildi. Shomurodov 2019 va 2021 yilda ham mazkur sovrinni o'ziniki qilgan edi.

Bolalar futboli bo'yicha "Yilning eng yaxshi murabbiyi" —  Yusuf Ergashev. "Bunyodkor" akademiyasida faoliyat olib boradigan Yusuf Ergashev o'tgan mavsumda akademiyaning 2010 yilda tug'ilgan futbolchilariga ustozlik qildi. O'FA birinchiligi va Toshkent shahar Premer ligasida sovrindorlar qatoridan joy oldi.

2025 yilning "Eng yaxshi xududiy associaciyasi" — Qoraqalpog'iston futbol associaciyasi. Mazkur xudud  mazkur sovrin bilan 2021 yil ham taqdirlangan edi.

Futbolni yoritishdagi hissa qo'shgan bir qator OAV esdalik sovg'alari topshirilmoqda.

- Fidoyilik ramzi - Tajribali ustoz sharhlovchi Husan Temirov taqdirlandi.

- Futbolimiz nuroniysi  — Ahrol Inoyatov. "Paxtakor" safida bir necha yillar to'p tepgan, murabbiy sifatida jamoani boshqargan Ahrol Inoyatov maxsus sovrin bilan taqdirlandi.

Endi navbat 2025 yilning "Eng yaxshilarini taqdirlash" marosimiga!

- O'FA bosh kotibi Avaz Maksumov kongressni olib bormoqda.

- 2025 yilda o'zbek futboli yo'qotishlarga ham uchradi. Ekranda ularning xotirasi yod olindi. 

- Ekran orqali 2025 yil futbolimizdagi yutuqlar jamlangan video rolik ko'rsatilmoqda.

- Tadbirni jonli efirda tomosha qilish uchun havola - VIDEO

- Marosim tez orada boshlanadi!