Arbeloaning ishonchi so'ndi: "Real" etakchisi endi daxlsiz emas

Shu holatda "qaymoqranglilar" bosh murabbiyi Alvaro Arbeloa og'ir qarorlar qabul qilishga majbur bo'lmoqda.

Xabi Alonso davrida yangi himoyachi Alvaro Karreras daxlsiz hisoblanardi. U uchun "Benfika"ga 50 mln evro to'langan va sog'lig'i yo'l qo'ygan paytda u doim 90 daqiqa o'ynagan futbolchilardan biri edi.

Biroq AS nashri malumotlariga ko'ra, "Benfika"ga qarshi mag'lubiyatdan keyin Karreras bu maqomni yo'qotdi. Ushbu dam olish kunlari "Rayo Valekano" bilan bahsda Arbeloa uni zaxirada qoldirib, chap qanot himoyasida Eduardo Kamavingaga ishonch bildirdi.

Endilikda Karreras maydonga chiqqan har bir daqiqada o'z salohiyatini isbotlashiga to'g'ri keladi. Shu bilan birga, Arbeloa taxminan 1 oyga safdan chiqqan Jud Bellingemsiz ham jamoani boshqarishga majbur.