Ommaviy axborot vositalarida jamoa sardori Daniel Karvaxal kam o'yin amaliyoti tufayli yangi bosh murabbiy Alvaro Arbeloa bilan gaplashmayotgani haqida xabarlar tarqalgan edi.
Klub nima deydi? "COPE" nashrining xabar berishicha, "Qirollik klubi" ichida murabbiy va futbolchi o'rtasida hech qanday nizo ko'rilayotgani yo'q. Klub rahbariyati Karvaxalning maydonga tushish va o'zini ko'rsatish istagini tushunadi, biroq Arbeloaning o'z rejasi bor.
Ehtiyotkorlik — bosh mezon: Arbeloaning fikricha, 34 yoshli himoyachining sog'lig'ini xavf ostiga qo'yish yaramaydi. Murabbiy Karvaxal og'ir jarohatdan so'ng yana safdan chiqmasligi uchun ehtiyotkorlik bilan yondashmoqda.
Karvaxal o'zini 100 foiz tayyor deb hisoblamoqda va tushuntirish kutmoqda.
Arbeloa esa riskni minimallashtirish va himoyachini mavsumning eng muhim pallasiga sog'-salomat olib kelishni maqsad qilgan.
Eslatib o'tamiz, "Real" ayni damda La Liga chempionligi va ECHL uchun kurashni davom ettirmoqda. Bunday muhim pallada jamoa sardorining tajribasi kerak, biroq uning jismoniy holati birinchi o'ringa chiqmoqda.
Bosh sahifaga
413