Islombek Ismoilov: "Perica qishdagi oxirgi transfer"

- Gruiziyaning "Dinamo" klubi 4:1 hisobida mag'lub etildi. Bugungi bahs haqida qanday fikrdasiz?
- "Dinamo"ga qarshi o'yin tayyorgarlik paytidagi oddiy uchrashuvlardan biri. Juda ko'p bahslarda maydonga tushyapmiz. Hali futbolchilarning jismoniy holati etarli darajada emas. Chunki og'ir yuklamalardan keyin o'yinlarda ishtirok etyapmiz. Umuman olganda jamoa yaxshi o'ynadi, lekin bundan ham yaxshiroq o'ynay olamiz. Xudo xohlasa jamoa mavsumga 100 foiz tayyor holda kirib boradi.

- Tarkibga xorvatiyalik hujumchi Stipe Perica qo'shib olindi. Bu oxirgi transfermi yoki yana yangilarni kutsak bo'ladimi?
- Yo'q, o'ylashimcha bu so'nggi transfer. Jamoa shakllanib bo'ldi.

- Murabbiylar shtabida tajribali Xans Yurgen Gyode bor. U o'zbek futbolini yaxshi biladi...
- Gyode uchrashuvlardan keyin xatolarni tahlil qilishda yordam beradi. Ulkan tajribaga ega inson, o'zingiz aytib o'tganingizdek o'zbek futbolini yaxshi biladi. Bunday mutaxassislarning maslahatlari doim bizdek yosh murabbiylarga yordam beradi.

Kamoliddin Alimov suhbatlashdi