Bahs Bolonya shahridagi "Renato Dall'Ara" stadionida bo'lib o'tdi. Asosiy vaqtda jamoalar 1:1 hisobida durang o'ynadi. Penaltilar seriyasida esa mehmonlar g'alaba qozondi.
Uchrashuvda hisobni 30-daqiqada "Bolonya" hujumchisi Santyago Kastro ochdi. 48-daqiqada esa "Lacio" forvardi Noslin muvozanatni tikladi. O'yindan keyingi penaltilar seriyasida esa rimliklar aniqroq harakat qildi.
Shu tariqa, "Lacio" futbolchilari musobaqaning yarim finaliga yo'l oldi.
Malumot uchun, Italiya Kubogi 1/8 final bosqichida "Bolonya" "Parma"ni 2:1 hisobida mag'lub etgan edi. "Lacio" esa ushbu bosqichda "Milan"ni 1:0 hisobida enggan.
Ayni paytda Italiya Kubogining amaldagi sohibi "Bolonya" hisoblanadi. Jamoa o'tgan mavsum finalida "Milan" ustidan 1:0 hisobida g'alaba qozongan edi.



Bosh sahifaga
981
12 Fevral 2026, 10:07