"Umuman olganda, men VARsiz futbol tomosha qilishni yoqtiraman. Chunki gol urilganda darhol “Bu gol”, deb o'ylaysan. Gakponing hisobga olinmagan golida ham shunday bo'ldi. Men yordamchi hakamga qaradim, u bayroqni ko'tarmadi va “Hechqisi yo'q”, deb o'yladim. Bir necha soniyadan keyin esa u baribir bayroqni ko'tardi. Bu to'g'ri qaror edi, chunki u ofsaydda edi. Menga tushuntirishlaricha, u avval golni kim urganini aniqlamoqchi bo'lgan. Kodi urganini eshitgach, uning ofsaydda bo'lganini aytgan. Adolatli va to'g'ri qaror qabul qilindi.
VAR menga faqat barchasi aniq va ravshan bo'lgan holatlarda yoqadi. Masalan, Guiri Moxamed Salaxga qarshi qoida buzgan vaziyatda qizil kartochka oldi. Menimcha, bu 100 foizlik qaror edi. Ammo bazi odamlar bunday qaror bilan kelishish mumkinligini aytdi. Demak, hatto bu qaror ham 100 ga 0 emas, balki 80 ga 20 bo'lgan. Shuning uchun faqat ofsayd bor yoki yo'qligi, to'p chiziqni kesib o'tgan yoki o'tmagani kabi holatlarga etibor qaratish kerak. Qolgan vaziyatlarda esa hakam o'yinni o'zi boshqarsin. Bu mening shaxsiy fikrim, lekin bu amalga oshmasligini tushunaman. Men VAR aynan shu tarzda ishlashini xohlardim. O'ylaymanki, biz bu tizimga shunchalik o'rganib qolganmizki, ochig'i, uning o'yin davomida ishlaganini maqul ko'raman", — dedi murabbiy klub matbuot xizmatiga.
Eslatib o'tamiz, musobaqaning amaldagi g'olibi "Kristal Pelas" bo'lib, finalda "Manchester Siti"ni 1:0 hisobida mag'lub etgan.
Bosh sahifaga
189
16 Fevral 2026, 09:20