"Milan" 40 yoshli Modrichga yangi shartnoma taklif qiladi

Xorvatiyalik futbolchining 2026 yil yozda tugaydigan shartnomasida yana 1 yilga uzaytirish imkoniyati mavjud.

Klub rahbariyati Modrichning tajribasi va etakchilik sifatlarini yuqori baholamoqda, undan yosh futbolchilarga ustozlik qilish va A Seriya hamda Evropa musobaqalarida muhim o'yinlarda jamoaga yordam berishni kutmoqda. 40 yoshiga qaramay, o'yinchi barqaror o'yin namoyish etishda davom etmoqda va jamoa natijalariga sezilarli tasir ko'rsatmoqda.

"Calciomercato" malumotiga ko'ra, Modrich agar faoliyatini davom ettirishga tayyor bo'lsa, "rossoneri" taklifini ko'rib chiqadi. U joriy mavsum barcha turnirlarda 25 o'yinda maydonga tushib, 1 ta gol urdi va 3 ta golli uzatmani amalga oshirdi.