Deku "Barselona" Bundesliga yulduzlaridan biriga qiziqishi bildirganini tasdiqladi

U uchun turli top-klublar kurash olib borgan, ular orasida "Barselona" ham bor edi. Kataloniya klubining sport direktori Deku bu qiziqishni tasdiqladi.

Mansabdorning "Diario Sport"ga bergan intervyusida aytishicha, shartnoma imzolashga juda yaqin bo'lingan, muzokaralar yaxshi kechgan. Ammo, malumki, u "Barselona" o'rniga "Bavariya"ni tanladi.

"Juda oldinga siljigan ish edi… Jonatan Ta bo'yicha muzokaralarda kelishuvga erishishga juda yaqinlashilgan, lekin oxir-oqibat transfer amalga oshmadi", – dedi Deku.

Endi esa "Barselona" markaziy himoyachi poziciyasi uchun ustuvor transfer sifatida "Tottenxem" futbolchisi Kristian Romeroni belgilab oldi.