"Special One"ning fikricha, braziliyalik futbolchi atrofidagi mojarolar bejiz emas.
O'yin davomidagi mashmasha:
Eslatib o'tamiz, uchrashuvning 50-daqiqasida Vinisius golni burchak bayroqchasi yonida raqsga tushib, raqibni haqoratlovchi tarzda nishonlagani uchun sariq kartochka olgan edi. Shundan so'ng u va Djanluka Prestianni o'rtasida nizo kelib chiqdi. Vinisius raqibini irqchilikda aybladi va o'yin malum muddatga to'xtatildi.
Mourinyuning munosabati:
Murabbiy Vinisiusning gol nishonlashini hurmatsizlik deb baholadi va futbolchining o'zini tutishiga etiroz bildirdi:
"Qaysidir jihatda xatolik bor, chunki bu voqealar har bir stadionda takrorlanmoqda. Vinisius qaerda o'ynasa, o'sha erda albatta nimadir sodir bo'ladi. Uning gol nishonlashi muxlislar va raqibga nisbatan hurmatsizlik bo'ldi", — dedi Mourinyu.
Shuningdek, Joze o'yin yakunida hakamlar bilan bahslashgani uchun qizil kartochka olib, maydondan quvilganini ham aytib o'tdi. Mourinyuning fikricha, futbolchilarning maydondagi xatti-harakatlari tribunadagi muhitga bevosita tasir o'tkazadi.



Bosh sahifaga
848
18 Fevral 2026, 14:06