Yurtdoshlarimiz ushbu muborak oyni katta quvonch bilan kutib olish bilan birga o'zaro mehr-oqibatni mustahkamlash, etim bolalar va ehtiyojmand oilalarga yordam ko'rsatish kabi savobli amallarni ixlos bilan ado etishga intilmoqda.
Yaqinlashib kelayotgan yangi futbol mavsumi arafasida bunday xayrli tashabbuslarni qo'llab-quvvatlash va davom ettirish maqsadida bugun viloyat hokimi, viloyat futbol associaciyasi prezidenti Hayrulla Bozorov hamda Neftchi Farg'ona masul vakillari "Muruvvat" bolalar uyiga tashrif buyurdilar.
Mazkur muassasada jamoa safiga qo'shilgan yangi futbolchilar rasman tanishtirildi. Har bir futbolchiga shaxsiy raqam tushirilgan rasmiy futbolka topshirildi. Eng hayajonli jihati — futbolkalar bolajonlar tomonidan tantanali ravishda taqdim etildi.
Tadbir davomida bolalar bilan samimiy uchrashuvlar o'tkaziladi, ezgu tilaklar bildirildi va Ramazon oyining mehr-muruvvat ruhi yana bir bor namoyon bo'ldi.
2212610318739688 
Bosh sahifaga
296
24 Fevral 2026, 23:17