- O'yin haqida fikringiz?
- Avvalo barchani yangi mavsum starti bilan tabriklayman. Dastlabki uchrashuvni yutib oldik va bu bilan o'z muxlislarimizni tabriklayman. Uyda to'p tepdik va muxlislar bizni yaxshi qo'llab turishdi. Birinchi taymda ustunlik jamoamiz tomonida bo'ldi va gol ham urib oldik. Ammo ikkinchi bo'limdagi ustunlik raqib tomonga o'tdi, shundan so'ng o'yinimiz qovushmadi. Buning ham o'ziga yarasha sabablari bor, birinchi o'yinda bu kabi holat kuzatiladi. Biz hisobni ushlab qolishga harakat qildik, chunki maqsadimiz birinchi o'yinni yutib olish edi. Yigitlarga rahmat, hamma o'yinga o'zini baxsh etdi, endi keyingi uchrashuvga hozirlik ko'ramiz.
- Yangi mavsum oldidan o'zingiz xohlagan barcha futbolchilarni jamoaga taklif eta oldingizmi?
- Vaziyat shunday bo'ldiki, bizda qishki tatil qisqa bo'ldi. O'tgan yil dekabrning yarmida mavsumni tugatdik, pley-off o'yinlarida o'ynadik. O'sha paytdayoq bu mavsum uchun reja tuzishni boshlab yuborgandik. Selekciya ishlari umuman to'xtamadi, o'zimiz xohlagan tarkibni tuza oldik. Chiroyli o'yinlarimiz hali oldinda.
- Yoshlarga ko'proq imkoniyat berganingiz bugungi bahsda ko'rindi. Legionerlar esa zaxirada qolishdi. Ular hali jamoaga to'liq qo'shilib ketmadimi?
- Biz mashg'ulotlardan kelib chiqib tarkib tuzamiz. O'yinchilarni mahalliy va xorijlikka ajratmaymiz. Kim tayyor bo'lsa, asosiy tarkibda shu tushadi. To'g'ri, Evropa davlatlaridan kelgan futbolchilar moslashuv jarayonini boshdan kechiradi. Bu odatiy hol. Ularga hali vaqt kerak. Bugun esa shu tarkibdan foydalanishga qaror qildik. Aytib o'tganimdek, oldinda o'yinlar ko'p va hammaga o'zini ko'rsatish uchun vaqt bo'ladi.
Bosh sahifaga
161