Adama Traore o'z klubi "Vest Xem Yunayted"da trenajyor zaliga kirishdan chetlatildi. Buni uning murabbiyi Nunu Eshpiritu Santu malum qildi. Murabbiy sobiq Ispaniya terma jamoasi azosining mushakdor tana tuzilishini "aql bovar qilmas" deb tarifladi, ammo Traoreni u shundoq ham "o'zida etarlicha vazn ko'tarib yurgani" haqida ogohlantirdi.
Nunu chorshanba kuni "Fulxem"ga qarshi bo'lib o'tadigan APL o'yini oldidan o'tkazilgan matbuot anjumanida shunday dedi: "Uning tana tuzilishi shunchaki ajoyib, bu uning genlari bilan bog'liq".
Murabbiy so'zida davom etdi: "Men unga trenajyor zalidan uzoqroq yurishni aytdim. Bu u tushunib etishi kerak bo'lgan narsalardan biri deb o'ylayman. Unda vazn etarli. U u erda faqat jarohatlarning oldini olishga qaratilgan mashqlarni bajaradi, lekin tosh ko'tarmaydi. Masalan, Ayridas Golambeckis (18 yosh) trenajyor zalida soatlab vaqt o'tkazadi – biz uni kuchaytirishimiz kerak. Aynan u mushak yig'ishi lozim. Traoreda esa buning mutlaqo aksi".
Bungacha Traore umuman tosh ko'tarmasligini takidlagan edi. Biroq o'tgan hafta uning jamoadoshi Krisensio Sammervill Traorening klub mashg'ulot bazasida 145 kilogramm shtangani ko'tarayotgani aks etgan videoni joylagandi.
Bosh sahifaga
188