Jamoa matbuot xizmati uch nafar futbolchining transferini rasman elon qildi.
O'zbekiston U-20 safida Osiyo kubogida zafar quchgan va Argentina mezbonlik qilgan Jahon chempionatida ishtirok etgan 22 yoshli markaziy himoyachi endi samarqandliklar sharafini himoya qiladi. «Kattaqo'rg'on» rahbariyati Ashurov bilan 1 yillik bitim imzoladi. Etiborlisi, «Paxtakor» akademiyasining iqtidorli tarbiyalanuvchisi hisoblangan bu himoyachi faoliyati davomida «Turon», «Metallurg» va «Andijon» klublarida ham to'p tepishga ulgurgan.
Jamoa tarkibiga yana bir juda tajribali futbolchi kelib qo'shildi. Klub rahbariyati turli yillarda «Paxtakor», «Nasaf» va «Andijon» kabi yurtimizning etakchi jamoalari sharafini himoya qilgan Ildar Mamatkazin bilan 1 yillik kelishuvga erishdi. 1988 yilda tug'ilgan himoyachiga Samarqand muhiti begona emas. U 2013-2015 yillarda viloyatning boshqa bir jamoasi — «Dinamo» libosida ham harakat qilgan edi.
O'tgan mavsumni Tojikiston chempionatida o'tkazgan himoyachi ham endi «Kattaqo'rg'on» muvaffaqiyatlari uchun maydonga tushadi. U bilan mavsum oxiriga qadar mo'ljallangan kelishuv tuzildi. Malumot o'rnida, 1995 yilda tug'ilgan Abdusalimov bungacha Samarqandning «Dinamo» va «Sherdor» klublari safida ham to'p tepgan.




Bosh sahifaga
561