Farg'onaning “Neftchi” jamoasi ilk bor mazkur trofey uchun maydonga tushadi va shu tariqa turnirda ishtirok etgan klublar ro'yxati kengayadi.
Shu paytgacha Superkubok bahslarida jami 7 ta jamoa ishtirok etgan bo'lsa, "Neftchi" ushbu ro'yxatga sakkizinchi klub sifatida qo'shiladi. Bu esa Farg'ona klubi uchun ham, vodiy futboli uchun ham muhim voqea hisoblanadi.
Rekord — "Paxtakor"da
Superkubok tarixida eng ko'p ishtirok etgan jamoa — Toshkentning "Paxtakor" klubi hisoblanadi. "Sherlar" ushbu turnirda 7 marta bosh sovrin uchun maydonga tushgan.
1999. "Navbahor" - "Paxtakor" 4:2
2015. "Paxtakor" – "Lokomotiv" 0:4
2016. "Nasaf" - "Paxtakor" 1:0
2021. "Paxtakor" - "Nasaf" - 1:0
2022. "Paxtakor" – "Nasaf" 1:0
2023. "Paxtakor" – "Nasaf" 1:2
2024. "Paxtakor" – "Nasaf" 1:1 (pen 3:4)
Ishtiroklar soni bo'yicha keyingi o'rinlarda "Nasaf" va "Lokomotiv" jamoalari joy olgan. Qarshi klubi Superkubokda 6 marta, "temiryo'lchilar" esa 3 marta qatnashgan.
Qolgan jamoalar esa bir martalik ishtirok bilan cheklangan.

O'zbekiston Superkubogi ishtirokchilari soni:
"Paxtakor" — 7
"Nasaf" — 6
"Lokomotiv" — 3
"Navbahor" — 1
"Andijon" — 1
"Bunyodkor" — 1
OKMK — 1
Endilikda ushbu ro'yxatga "Neftchi" ham qo'shilib, turnir tarixidagi ishtirokchi jamoalar soni yana bittaga ko'paydi. Farg'onaliklar debyut uchrashuvida qanday natija qayd etishini ertaga bilib olamiz.
Teglar: ozbekiston, superkubogi, debyutant, “neftchi”, sakkizinchi, jamoa, rekord, “paxtakor”da,
← OldingaOrqaga →

Bosh sahifaga
785