"The Athletic" xabariga ko'ra, Dortmundning "Borussiya" klubi rahbariyati joriy mavsum ijara asosida "Aston Villa"da o'ynayotgan "Manchester Yunayted"ning 25 yoshli vingeri vakillariga klub uni transfer qilish uchun "qizil iblislar"ga rasmiy taklif bilan chiqishga tayyor ekanini bildirgan.
Xabar qilinishicha, "Borussiya" hali ham Sanchoning iqtidoriga ishonadi va uning "Manchester Yunayted"ga o'tganidan so'ng faoliyatini qayta tiklash uchun yangi imkoniyat berishga tayyor. Futbolchining o'zi ham avvalroq Dortmundga qaytish orzusi borligini ochiq aytgani transfer amalga oshishi ehtimolini yanada oshirmoqda.
Sancho 2021 yil 85 million evro evaziga "Borussiya"dan "Manchester Yunayted"ga o'tgan, biroq uning Manchesterdagi faoliyati kutilganidek kechmadi. U "qizil iblislar" safida jami 83 o'yinda ishtirok etib, 12 ta gol urdi va 6 ta golli uzatmani amalga oshirdi.
Sanchoning "Aston Villa"dagi ijara muddati yozda yakuniga etadi. U "Villa" safida 29 o'yinda qatnashib, 1 ta gol va 1 ta golli uzatma muallifi bo'ldi.
Bosh sahifaga
2994
23 Mart 2026, 15:53