So'rovnomada Championat.Asia ishchi xodimlari, Transfermarkt portalining ruscha taxririyati rahbari Georgiy Lekarev va taklif qilingan ekspert Otabek Jo'raev ishtirok etdi.
Unga ko'ra, Superliganing oy murabbiyi sifatida Aleksandr Xomyakov tan olindi. Uning qo'l ostida "Buxoro" o'z tarixidagi eng yaxshi startni amalga oshirdi va dastlabki 4 o'yinda 10 ochko jamg'ardi. Xususan jamoa "Navbahor", "Dinamo" kabi jamoalarni mag'lubiyatga uchratdi. U 47 foiz ovoz to'pladi. Ikkinchi o'rinni 31 foiz ovoz bilan Islom Ismoilov egalladi.
Oy futbolchisi sifatida "Neftchi" hujumchisi Stipe Perica etirof qilindi. "Udineze", "Standard", "NAK Breda" va "Uotford" kabi jamoalarning sobiq forvardi milliy chempionatimizda birdaniga yuqori darajasini namoyish qildi. 30 yoshli hujumchi 4 o'yinda 4 gol urdi va uning gollari sababli jamoa peshqadamlik qilmoqda.
Perica ovoz berish jarayonida 31 foiz ovoz to'pladi. "Buxoro" kiperi Umid Hamroev (4 o'yin, 2 o'tkazib yuborilgan gol va 2 quruq o'yin) hamda "Neftchi" yarim himoyachisi Jamshid Iskanderov (4 o'yin 1 gol va 3 assist) 26 foizdan ovoz to'plab, ikkinchi va uchinchi o'rinlarda qayd etildi.
Bosh sahifaga
975
23 Mart 2026, 15:38