Gabon terma jamoasi FIFA kunlarida Toshkent mezbonlik qiladigan FIFA Series turnirida ishtirok etadi.
Jamoaning vaqtincha bosh murabbiyi Aniset Yala musobaqada ishtirok etadigan futbolchilar ro'yxatini elon qildi. Biroq ro'yxatda ko'pgina etakchilar yo'q.
Afrika kubogidagi muvaffaqiyatsiz ishtirokidan so'ng malum muddat chetlatilgan terma jamoa etakchisi Per-Emerik Obameyang O'zbekistondagi bellashuvlar uchun rasmiy chaqiruvni olgan, biroq taklifni rad etgan va etiborini klubga qaratishga qaror qilgan.
Qolaversa, FIFA mazkur turnir uchun tarkib tanlashda Afrika kubogi uchun kengaytirilgan 55 nafar futbolchilar ichidan tanlov qilishi kerakligini bildirgan.
Eslatib o'tamiz, Gabon ilk uchrashuvini O'zbekistonga qarshi o'tkazadi. O'yin 27 mart kuni 19:00 da boshlanadi.

Bosh sahifaga
625
24 Mart 2026, 12:45