Fabio Kannavaro: "Menga jangchilar kerak. Xato qilishimizni istayman, sababi..."
/ Kiritdi: BestMaster O'qilgan: 1280
O'zbekiston MTJ bosh murabbiyi Fabio Kannavaro uchrashuvdan keyingi matbuot anjumanida ishtirok etdi.
- Birinchi bo'limda himoyamiz juda yomon o'ynadi. Ikkinchi bo'limda barchasi o'zgardi va xatolar kamaydi. Tanaffusda futbolchilarga nimalar dedingiz?
- Bilmadim, birinchi bo'limda koncentraciya 100% emas edi. Tanaffusda har doim qilib kelgan ishimizni qilishimiz kerakligini aytdim. Takti o'zgarishlarga ham qo'l urdik. Asosiy muammo ruhiyat bilan bog'liq edi. Kuchli raqibmi yoki yo'q, har doim bir xil motivaciya bilan o'ynash kerak. Har doim maydonga bir xil ishtiyoq bilan chiqish kerak. So'nggi daqiqalarda o'yin bizning nazoratimiz ostida edi, ammo raqib xavfli vaziyatga ega bo'ldi. Bunday barqarorsizlikka yo'l qo'ymasligimiz kerak.
- Bugun terma jamoamiz standart vaziyatdan gol urdi. Standartlar mashg'ulotlarda alohida ishlanmoqdami yoki futbolchilar o'yindan kelib chiqib shunday qarorga kelishdimi?
- Albatta, mashg'ulotlarda barcha jihatlar ustida ishlaymiz. Agar klubda bir mavsum davomida standart vaziyatlarda 14-15ta gol urish mumkin bo'lsa, yaxshi hujumchini sotib olish kerak bo'ladi. Terma jamoada esa bor-yo'g'i 2-3 kun vaqt bor. Ko'pincha vaqt etmaydi. Barchasini hisobga olishimiz kerak. Zamonaviy futbolda kichkina detallarga etibor bermasak, g'alaba qozona olmaysiz.
- Kecha navbatdagi ikki o'yinda barcha futbolchilarga imkoniyat beraman deb aytib o'tdingiz, ammo bugun asosiy hujumchimiz va darvozabonimiz uchrashuvni asosiy tarkibda boshladi. Bugungi nazorat o'yini Igor Sergeevni sinab olish uchun yaxshi vaqt emasmidi? Shuningdek, dastlabki o'zgarish 76-daqiqada ro'y berdi. Menimcha, bu juda kech...
- Bugun 8ta futbolchi zaxiradan o'yinga qo'shildi. Yana qanday savollar bo'lishi mumkin?
- 76-daqiqada o'zgarish qilish kech emasmi? Zaxiradan maydonga tushgan futbolchilar bor-yo'g'i 20 daqiqa maydonda bo'lishdi. Menimcha, bu kech.
- Unda mening o'rnimga bosh murabbiy bo'lib keling. Men sizning fikringizni hurmat qilaman. Men terma jamoaga juda ko'plab futbolchilarni jalb etdim. Dastlabki 8ta uchrashuvda nechta futbolchi terma jamoada o'ynaganini hisoblab ko'ring.
- Gabon terma jamoasi haqida nimalar deya olasiz?
- Gabonning o'yinlarini ko'rib chiqdim. Futbolchilar mahoratli. Zamonaviy futbolda bo'sh zonalar topish qiyin. Gabon bugun zich o'ynadi. Biz o'zimizning 2-3ta yaqqol vaziyatlarimizdan foydalana olmadik. Gabonga qarshi o'ynash qiyin bo'ldi.
- O'ng qanotda yarim himoyachi Aziz G'anievni o'ynatyapsiz. Hozirgi kunda Superligada ajoyib o'yin ko'rsatayotgan Jamshid Iskanderov ham ushbu poziciyada o'ynay oladi. Bugun uni maydonda kutgandik. Nega Iskanderovga imkoniyat berilmadi? Venesuelaga qarshi o'yinda uni maydonda ko'ramizmi?
- U "Al Bataeh"da o'ng qanotda o'ynaydi. Agar o'yinlarni ko'rmayotgan bo'lsangiz, mening aybim emas.
- Bilaman. O'yinlarini ko'rganman. Shuning uchun Iskanderovni qo'shib ketdim. Iskanderov ham o'ng qanotda o'ynay oladi.
- Jamshid jamoamizning bir bo'lagi. Uning iqtidoridan xabardormiz. Biz barchaga etarlicha vaqt beramiz.
- Gabon terma jamoasi bugun 4XG qayd etdi. MTJ mundial saralashi davomidagi Eronga qarshi o'yinlarda ham bunday statistikani qayd etmagan edi. Ushbu holat siz uchun qanchalik normal?
- Etibor etarlicha emas edi. Bazida ahmoqona xatolarga yo'l qo'ydik.
- Gabonga jismoniy holat bo'yicha yutqazib qo'ydik. Sayfievning o'yin so'ngidagi xatosi bunga isbot bo'la oladi. Jismoniy holat bo'yicha qanday ishlar olib borilmoqda?
- Bu normal holat. Har doim sizlarga shuni tushuntirishga harakat qilyapman. Yevropa yoki Afrika terma jamoalariga qarshi o'ynayotganingizda jismoniy jihat o'ta muhim rol o'ynaydi. Biz 100% tayyor bo'lmasak, JCHda qiynalamiz. Bugun o'yin davomida to'p bilan ko'proq muomala qilishga va ko'proq pas o'ynashga intildik. Bazan juda sekin harakat qildik. Mashg'ulotlarda ishlagan narsalarimiz Gabonga juda ko'p muammo yaratdi. Osiyo va Yevropani solishtirsak, jismoniy taraflama farq katta.
- Keyingi uchrashuvda Abduqodir Husanovni maydonda ko'ramizmi yoki uning o'rniga yana yangi nomlarni ko'rishimiz mumkinmi? Bugun Jahongir O'rozovni ko'rdik...
- Bu haqda gapirishga juda erta. O'yinchilar tiklanib olishsin. Ertaga tiklanish mashg'ulotlarini olib boramiz. Bizda tiklanish jarayoni davom etadi. Asosiy maqsadimiz yangi futbolchilarni ko'rib olish. Shuningdek, o'yindagi muvozanatni ushlash. Masalan, ko'plab futbolchilarni o'zgartirsam, o'yin tizginini qo'ldan chiqarib mag'lub bo'lishimiz mumkin. Mag'lub bo'lsak, sizlar menga shikoyat qilasizlar. Ko'p futbolchilarni o'zgartirdingiz deb. Shu sababli men balansni ushlashga va g'alaba qozonishga, eng yaxshi echimni topishga intilaman.
- Venesuelaga qarshi o'yin JCHdan oldingi oxirgi uy bahsi bo'ladi. Keyingi o'yinda optimal tarkibni ko'rishimiz mumkinmi? Muxlislarga bayram kayfiyatini yaratib bermoqchisizlarmi?
- Har doim juda chiroyli va bayram ko'rsatishga harakat qilamiz. Bir tomondan xatolarga yo'l qo'yganimizdan xursandman. Qayerda xato qilayotganimizni bildik, endi ularni to'g'rilashimiz kerak. Bugungi g'alabaga xursand bo'lib qolmasligim kerak. Jahon chempionati umuman boshqa darajada bo'ladi. Motivaciya va raqiblar darajasi shunchaki dahshat. Dushanba kuni eng zo'r o'yinimizni namoyish etishimiz hech nimani anglatmaydi. JCHda boshqa raqiblar bo'ladi. Jamoa ham boshqa bo'lishi mumkin. Futbolchilarga har doim yuqori koncentraciya xohlashimni aytganman. Menga jangchilar kerak. Men uchun eng muhimi shu. Hozir yigitlar 90 daqiqalik "kuchuk" bo'la olishmaydi. Mening g'oyam ham shunda. Biz 90 daqiqalik "jangchi" bo'lishimiz kerak. Biz mundialga ilk marotaba boryapmiz. Yo'qotadigan hech narsa yo'q. Hech qanday qo'rquvsiz maydonga tushamiz. Oxirida natija qanday bo'lishini ko'ramiz.
Teglar: fabio, kannavaro, menga, jangchilar, kerak, xato, qilishimizni, istayman, sababi,
← OldingaOrqaga →
Bosh sahifaga
282