"Nasaf" o'z maydonida Pro liga jamoasiga yutqazdi
/ Kiritdi: BestMaster O'qilgan: 3730
FIFA kunlari sababli yuzaga kelgan tanaffusdan unumli foydalanish maqsadida Qarshining "Nasaf" klubi Nukusning "Aral" jamoasiga qarshi nazorat uchrashuvida maydonga tushdi.
Qarshi shahridagi "Geolog" stadionida o'tkazilgan mazkur o'rtoqlik bahsida murosasiz kurash kechdi va unda mehmonlar 2:1 hisobidagi g'alabani qo'lga kiritishdi.
Uchrashuvda hisob birinchi bo'limdayoq ochildi, aniqrog'i, 32-daqiqada nukusliklar azosi N.Quttiboev o'z jamoasini oldinga olib chiqdi. Biroq mezbonlar bunga tezda javob qaytarishga muvaffaq bo'lishdi va oradan bor-yo'g'i ikki daqiqa o'tib, 34-daqiqada "Nasaf" vakili Yusuf Otubanjo muvozanatni tiklab, hisobni 1:1 ko'rinishiga keltirdi.
O'yinning asosiy qismi durang bilan davom etayotgan bir vaqtda, bahs yakunlanishiga sanoqli daqiqalar qolganida, yani 85-daqiqada "Aral" futbolchisi S.Niyatullaev raqib darvozasini ishg'ol qilib, nukusliklarga g'alaba keltirgan muhim va hal qiluvchi gol muallifiga aylandi.
Teglar: nasaf, maydonida, liga, jamoasiga, yutqazdi,
← OldingaOrqaga →
Bosh sahifaga
199