Madagaskar Qirg'iziston darvozasiga 5 ta gol urib, yirik hisobda engdi

2026-03-28 23:33:01 / Kiritdi: BestMaster  O'qilgan: 3534

Markaziy Osiyo mamlakati birinchi bo'limda darvozasidan javobsiz to'rtta to'p o'tkazdi.

Turkiyaning Belek shahrida joylashgan "Kalista sport markazi" stadionida Qirg'iziston hamda Madagaskar milliy terma jamoalari o'rtasida o'rtoqlik uchrashuvi bo'lib o'tdi va unda afrikaliklar 5:2 hisobidagi yirik g'alabani qo'lga kiritishdi.

Uchrashuv qirg'izistonliklar uchun juda omadsiz kechdi, chunki ular birinchi bo'limning o'zidayoq o'z darvozalaridan to'rtta to'p o'tkazib yuborishga majbur bo'lishdi. O'yindagi hisob 5-daqiqadayoq Madagaskar hujumchisi Arno Randianantenaina tomonidan ochilgan bo'lsa, 17-daqiqaga kelib afrikaliklar o'z ustunliklarini yanada mustahkamlashdi. Oradan etti daqiqa o'tib, 24-daqiqada Uorren Kaddi hisobni yirik ko'rinishga keltirdi, 42-daqiqada esa yarim himoyachi Kleman Kutyure nominal mehmonlarning to'rtinchi goliga mualliflik qildi.

Ikkinchi taymda Qirg'iziston terma jamoasi vaziyatni biroz o'nglashga urindi – yarim himoyachi Beknaz Almazbekov penaltini aniq amalga oshirib, hisobni qisqartirgan bo'lsa, 62-daqiqada qirg'izistonliklar ikkinchi bor raqib darvozasini ishg'ol qilishga erishdilar. Ammo 79-daqiqada Uorren Kaddi dubl qayd etib, jamoasining beshinchi golini urdi va Madagaskar terma jamoasining uzil-kesil g'alabasini taminladi.

Teglar: madagaskar, qirgiziston, darvozasiga, urib, yirik, hisobda, engdi,
← OldingaOrqaga →