O'zbekiston o'smirlar termasi "Lokomotiv" yoshlarini yirik hisobda engdi

2026-03-29 19:18:01 / Kiritdi: BestMaster  O'qilgan: 2304

Ayder Kurbaev boshchiligidagi o'smirlardan iborat O'zbekiston U-16 terma jamoasi Toshkentning "Lokomotiv" klubining U-19 yoshlar tarkibiga qarshi nazorat uchrashuvida maydonga tushdi.

Qiziqarli va gollarga boy o'tgan mazkur o'rtoqlik bahsida o'zbekistonlik o'smirlar o'zlaridan yosh jihatdan kattaroq bo'lgan raqiblari ustidan 5:2 hisobidagi ishonchli g'alabani qo'lga kiritishdi.

Uchrashuv davomida terma jamoamiz safida beshta turli xil futbolchi raqib darvozasini ishg'ol qilishga muvaffaq bo'ldi. Jumladan, Hojiakbar Zulfiqorov, David Shadrin, Abdulloh Xolmamatov, Ulug'bek Xayrullaev hamda Emmanuel Emonkpaire tomonidan kiritilgan gollar Ayder Kurbaev shogirdlariga yirik g'alabani taqdim etdi.

Mazkur o'yinda O'zbekiston U-16 terma jamoasining asosiy tarkibida quyidagi futbolchilar harakat qildi: darvozada Almaz Ayupov, shuningdek, maydonda Hojiakbar Zulfiqorov, Azizullo Erkinjonov, Yahyo Nasrulloev, Ro'zimurod Ro'zimurodov, Kamoliddin Akbaraliev, David Shadrin, Abubakr Mamatov, Hasan O'rolov, Abdulloh Xolmamatov hamda Husan O'rolov kabi iqtidorli yoshlar o'yinni birinchi daqiqalardan boshlashdi.

Murabbiylar shtabi nazorat o'yini bo'lganligi sababli tayyorgarlik jarayonida kengroq tarkibni sinovdan o'tkazish maqsadida ko'plab o'zgarishlarni amalga oshirdi. O'yin davomida Berdiev, Ayvazov, Abdurahimov, Bobirov, Abduvaliev, Rahmonqulov, Shukurov, Achilov, Aminov, Xayrullaev, O'ktamov va Emonkpaire kabi o'yinchilar zaxiradan maydonga tushib o'yinni kuchaytirgan bo'lsa, Umarov, Shodmonov hamda Abdusalomov singari futbolchilar bu galgi bahs qaydnomasida zaxira o'rindig'ida qolishdi.

Teglar: ozbekiston, osmirlar, termasi, lokomotiv, yoshlarini, yirik, hisobda, engdi,
← OldingaOrqaga →