Vinisius Braziliyaning Xorvatiyaga qarshi o'yinini o'tkazib yuborishi mumkin

2026-03-31 11:39:02 / Kiritdi: BestMaster  O'qilgan: 1338

"Real" va Braziliya terma jamoasi vingeri Vinisius Junior Xorvatiya bilan o'rtoqlik bahsida qatnashmasligi ehtimoli bor, deya xabar berdi "Globo".

Futbolchi Fransiyaga qarshi o'yindan (1:2) keyin paydo bo'lgan son og'rig'i tufayli milliy terma jamoa mashg'ulotlarida qatnashmadi. Juma, 27 mart kuni Vinisius tibbiy ko'rikdan o'tdi, natijada jiddiy jarohat aniqlanmadi, ammo uning bo'lajak o'yinda ishtirok etishi so'roq ostida qolmoqda.

Braziliya va Xorvatiya o'rtasidagi o'rtoqlik o'yini 1 aprel kuni Orlandoda bo'lib o'tadi. O'yin Toshkent vaqti bilan soat 5:00 da boshlanadi.

Avvalroq Vinisius Junior "Real"ning mart oyidagi eng yaxshi futbolchisi sifatida etirof qilingan edi.

Teglar: vinisius, braziliyaning, xorvatiyaga, qarshi, oyinini, otkazib, yuborishi, mumkin,
← OldingaOrqaga →