Venesuela Jahon chempionati pley-off bosqichida ishtirok etishi mumkin

2026-03-31 13:33:01 / Kiritdi: BestMaster  O'qilgan: 1942

Janubiy Amerika saralash bosqichi pley-off yo'llanmasini hal qilish uchun sud zallarida so'nggi "o'yin"ni o'tkazishi mumkin.

JCH-2026 yo'lidagi Janubiy Amerika saralash bosqichining so'nggi turi asabbuzarliklarga boy o'tdi. O'tkazilgan 18 turdan so'ng jahon chempionati yo'llanmasi uchun pley-off chiptasi yakunda Boliviyaga nasib etdi. Biroq vaziyat kutilmagan o'zgarishlarga yuz tutishi mumkin.

Barchasi shuni ko'rsatmoqdaki, Venesuela pley-off yo'llanmasi uchun kurashishda so'nggi imkoniyatga ega bo'lishi mumkin. So'nggi soatlarda doping holatlari sababli FIFA tomonidan qo'llanilishi mumkin bo'lgan sankciyalar haqida xavotirli xabarlar tarqaldi. Bir necha oy oldin oshkor bo'lgan bu voqea endilikda huquqiy jihatdan kuchayib bormoqda.

So'nggi soatlar ichida saralash o'yinlarida doping-testlari ijobiy natija bergan Boliviyaning uch nafar futbolchisiga nisbatan ochilgan ishlarni hal qilish bo'yicha FIFA va KONMEBOLga bosim kuchaydi. Bu holat jamoaviy doping ishlatilishini ko'rib chiqishga asos bo'la oladigan minimal miqdordagi o'yinchilarni o'z ichiga oladi.

Dastavval bu ishga aloqadorlar birinchi instanciyada ijobiy natija qayd etgan Ramiro Vaka va Boris Sespedes edi. Biroq Boliviya futbol federaciyasiga yaqin manbalarning takidlashicha, saralash doirasidagi Chili va Urugvayga qarshi bahslarda yana boshqa doping holatlari aniqlangan bo'lishi mumkin.

Qayta tekshiruv natijalarini kutayotgan boshqa o'yinchilarning ism-shariflari ochiqlanmagan bo'lsa-da, aniq bo'layotgan jihat shuki, gap El-Alto shahrida o'tkazilgan o'yinlarda nafas olishni yaxshilash uchun ishlatilgan tibbiy preparat haqida bormoqda. Bu holat turnir jadvalida 7 ochko olib tashlanishidek jazoga olib kelishi mumkin.

Ushbu vaziyat yuzasidan KONMEBOL hozircha hech qanday munosabat bildirgani yo'q va FIFAning yakuniy qarori kutilmoqda. Shuningdek, bu holat Venesuela futbol federaciyasi tomonidan ushbu ishlarni tezroq hal qilishni talab qilib boshlangan huquqiy bosim fonida yuz bermoqda.

Venesuela bu imkoniyat past ekanligini biladi, biroq reglament buzilgani o'z isbotini topsa, pley-off yo'llanmasini qo'lga kiritish uchun barcha qonuniy choralarni ko'rishini ma'lum qildi. Bu borada KONMEBOL FIFAdan ushbu jarayonning yakuniy qarori bo'yicha xabarnoma kutmoqda.

Eslatib o'tamiz, qitalararo pley-off bosqichida Boliviya Iroq terma jamoasiga qarshi maydonga tushishi kerak. Venesuela esa O'zbekiston mezbonlik qilgan FIFA Series turnirida ikkinchi o'rinni egalladi.

Teglar: venesuela, jahon, chempionati, pley-off, bosqichida, ishtirok, etishi, mumkin,
← OldingaOrqaga →