Italiya terma jamoasi yana JCHdan quruq qoldi. O'zbekiston terma jamoasi ustozi vatandoshlarini qo'llab-quvvatladi
/ Kiritdi: BestMaster O'qilgan: 1242
Italiya milliy terma jamoasi JCH-2026 yo'llanmasi uchun kechgan hal qiluvchi bahsda imkoniyatni boy berdi.
Pley-off bosqichining finalida Bosniya va Gercegovinaga qarshi maydonga tushgan "Adzurri" penaltilar seriyasida mag'lubiyatga uchradi va ketma-ket uchinchi bor jahon chempionatidan tashqarida qoldi.
Mazkur muvaffaqiyatsizlikdan so'ng Italiya futboli afsonasi, O'zbekiston terma jamoasi bosh murabbiyi Fabio Kannavaro o'z "Instagram" sahifasida post qoldirdi. U terma jamoaning sobiq azosi Jennaro Gattuzo bilan tushgan suratini joylashtirib, "Vaziyat qiyinlashganda, kuchlilar maydonga chiqadi... Olg'a, Adzurri!" mazmunidagi so'zlar bilan o'z yurtdoshlarini qo'llab-quvvatladi.
Eslatib o'tamiz, Italiya terma jamoasi 2018 va 2022 yilgi dunyo birinchiliklarini ham o'tkazib yuborgan edi.
Teglar: italiya, terma, jamoasi, yana, jchdan, quruq, qoldi, ozbekiston, terma, jamoasi, ustozi, vatandoshlarini, qollab-quvvatladi,
← OldingaOrqaga →



Bosh sahifaga
561
1 Aprel 2026, 13:54