"Milliy sharmandalik!": Italiya senati vice-prezidenti Gattuzo va Gravinani keskin tanqid qildi
/ Kiritdi: BestMaster O'qilgan: 1004
Italiya senati vice-prezidenti Lichiya Ronculli milliy terma jamoaning JCH-2026 yo'llanmasidan quruq qolganini "milliy sharmandalik" deb atadi va mamlakat futbol rahbariyatini istefoga chiqishga chaqirdi.
Italiya terma jamoasi saralashning hal qiluvchi bahsida Bosniya va Gercegovinaga penaltilar seriyasida imkoniyatni boy berib (1:1, pen. 1:4), ketma-ket uchinchi bor Jahon chempionatidan tashqarida qoldi.
"Italiya uchinchi bor mundialga bora olmayapti. Gattuzodek buyuk sardor va "adzurri"ning shijoatiga qaramay, natija shunday bo'ldi. Biz dunyoning eng muhim turnirini 16 yil davomida o'tkazib yuboramiz. Bu misli ko'rilmagan milliy sharmandalik! Butun futbol tizimini tubdan o'zgartirish kerak. Italiya futbol federaciyasi (FIGC) rahbariyati zarracha ori bo'lsa, istefoga chiqishi lozim", - deb yozadi Ronculli.
Shuningdek, senator federaciya rahbari Gabriele Gravinaga alohida murojaat qildi: "Gravina, bunday halokatdan keyin sizga faqat bir yo'l qoldi - zudlik bilan istefo berish! Bas, etar! Italiya futboli bundan yaxshirog'iga loyiq".
Eslatib o'tamiz, to'rt karra jahon chempionlari so'nggi bor 2014 yilda Jahon chempionatida ishtirok etishgan. Shundan beri Italiya terma jamoasi yirik turnirlar saralashida muvaffaqiyatsizlikka uchramoqda.
Teglar: milliy, sharmandalik!, italiya, senati, vice-prezidenti, gattuzo, gravinani, keskin, tanqid, qildi,
← OldingaOrqaga →



Bosh sahifaga
591
1 Aprel 2026, 15:05