"Butun bir avlod JCH ko'rmay ulg'aymoqda": Italiya sport vaziri futbol rahbariyatini istefoga chiqishga chaqirdi
/ Kiritdi: BestMaster O'qilgan: 1068
Italiya sport vaziri Andrea Abodi milliy terma jamoaning JCH-2026 saralashidagi muvaffaqiyatsizligidan so'ng keskin bayonot bilan chiqdi.
Eslatib o'tamiz, Jennaro Gattuzo shogirdlari hal qiluvchi bahsda Bosniya va Gercegovinaga imkoniyatni boy berib, ketma-ket uchinchi bor mundialsiz qolishdi.
"Italiya futboli tubdan qayta qurilishga muhtoj va bu jarayon FIGC (Italiya futbol federaciyasi) rahbariyatidagi kadrlar almashinuvidan boshlanishi kerak. Futbol - bu shunchaki sport emas, ayniqsa Italiyada u madaniyatimizning bir qismi va xalqaro obro'yimiz belgisidir. Butun bir avlod bolalar va yoshlar hali biror marta Jahon chempionatida o'z terma jamoasi o'yinini ko'rmay ulg'ayayotganini o'ylash juda mahzun", - dedi Abodi.
Vazir kechagi o'yindagi harakatlari uchun murabbiy va futbolchilarga minnatdorchilik bildirgan bo'lsa-da, asosiy muammo tizimda ekanligini ta'kidladi. Uning fikricha, iqtisodiy va harbiy inqirozlar davrida futbol odamlar uchun muhim ijtimoiy ritual va quvonch manbai bo'lishi kerak edi, ammo ketma-ket mag'lubiyatlar bu imkoniyatni yo'qqa chiqarmoqda.
Shu tariqa, Italiya futbol federaciyasi rahbariyatiga bo'layotgan bosim davlat darajasiga chiqdi. Endilikda federaciya prezidenti Gabriele Gravinaning taqdiri qanday bo'lishi katta so'roq ostida qolmoqda.
Teglar: butun, avlod, kormay, ulgaymoqda, italiya, sport, vaziri, futbol, rahbariyatini, istefoga, chiqishga, chaqirdi,
← OldingaOrqaga →



Bosh sahifaga
800
1 Aprel 2026, 16:14