Italiyada g'alayon: Muxlislar federaciya qarorgohini tuxumbo'ron qilishdi
/ Kiritdi: BestMaster O'qilgan: 2362
Italiya terma jamoasining JCH-2026 yo'llanmasidan quruq qolgani mamlakatda katta norozilik to'lqinini keltirib chiqardi.
Italiya futbol federaciyasi (FIGC) qarorgohi oldida muxlislar keskin norozilik akciyasini o'tkazishdi.
G'azabga mingan ishqibozlar federaciya binosini tuxumlar bilan "siylashdi" va bino yaqiniga tashkilot prezidenti Gabriele Gravinaning istefosini talab qiluvchi bannerlarni ilib ketishdi.
Eslatib o'tamiz, Jennaro Gattuzo boshchiligidagi Italiya terma jamoasi saralashning hal qiluvchi bahsida Bosniya va Gercegovinaga imkoniyatni boy berib (1:1, pen. 1:4), ketma-ket uchinchi bor Jahon chempionatidan tashqarida qoldi. Muxlislar bunday muvaffaqiyatsizlikda bevosita futbol rahbariyatini ayblamoqdalar.
Italiya futbolidagi inqiroz nafaqat maydonda, balki ko'chalarda ham davom etmoqda. Endilikda federaciya rahbariyatining ushbu bosimlarga qanday javob berishi barchaning diqqat markazida bo'lib turibdi.
Teglar: italiyada, galayon, muxlislar, federaciya, qarorgohini, tuxumboron, qilishdi,
← OldingaOrqaga →
Bosh sahifaga
991