Lamin Yamal diniy kamsitishlarga qarshi: "Men musulmonman, alhamdulillah!"
/ Kiritdi: BestMaster O'qilgan: 540
Ispaniya terma jamoasi va "Barselona" yulduzi Lamin Yamal Ispaniya hamda Misr o'rtasidagi o'rtoqlik uchrashuvida (0:0) yuz bergan noxush voqeaga o'z munosabatini bildirdi.
Barselonadagi "RCDE Stedium"da o'tgan bahsda ayrim muxlislar musulmonlarni haqorat qiluvchi hayqiriqlarni ishlatishgan.
O'yinning 20-daqiqasi atrofida stadiondagi muxlislarning bir qismi "Kim sakramasa, o'sha musulmon" qabilidagi noo'rin hayqiriqlarni so'zlashgan. Lamin Yamal ushbu holatni keskin qoraladi.
"Men musulmonman, alhamdulillah! Kecha stadionda "Kim sakramasa, o'sha musulmon" degan hayqiriqlar yangradi. Bu so'zlar raqib jamoaga qaratilganini va menga nisbatan shaxsiy adovati yo'qligini bilsam-da, musulmon sifatida buni hurmatsizlik va qabul qilib bo'lmas holat deb hisoblayman.
Dindan stadionda hazil sifatida foydalanish sizni johil va irqchi qilib ko'rsatadi. Futbolda odamlarni kimligi yoki nimaga ishonishi uchun haqorat qilmasdan, o'yindan zavq olish va jamoani qo'llab-quvvatlash kerak. Shunga qaramay, bizni qo'llab-quvvatlash uchun kelganlarga rahmat, Jahon chempionatida ko'rishguncha", - deb yozadi yosh iqtidor sohibi.
Eslatib o'tamiz, Lamin Yamal Ispaniya terma jamoasi bilan birgalikda JCH-2026 final bosqichida ishtirok etadi. Uning ushbu bayonoti ijtimoiy tarmoqlarda keng muhokamalarga sabab bo'lmoqda.
Teglar: lamin, yamal, diniy, kamsitishlarga, qarshi, musulmonman, alhamdulillah!,
← OldingaOrqaga →
711912292739748 
Bosh sahifaga
277
2 Aprel 2026, 09:00