Bosniyalik bolboy Donnarummaning "shpargalka"sini o'g'irlab ketgan ekan

2026-04-01 19:39:02 / Kiritdi: BestMaster  O'qilgan: 1798

JCH-2026 yo'llanmasi uchun kechgan Bosniya va Gercegovina hamda Italiya o'rtasidagi dramatik bahsning penaltilar seriyasida yana bir hayratlanarli voqea yuz berdi.

Italiyalik darvozabon Janluiji Donnarumma nafaqat raqibning qog'ozini yirtdi, balki o'zining eslatmalaridan ham ayrildi.

Italiya terma jamoasi penaltilar seriyasida 1:4 hisobida mag'lub bo'lib, Jahon chempionatidan quruq qoldi. Etiborlisi, Donnarumma seriya davomida birorta ham zarbani qaytara olmadi.

"SportSport" nashrining xabar berishicha, maydon chetida to'p uzatib turgan bosniyalik bolakay (bolboy) qulay fursatdan foydalanib, Donnarummaning yonidagi qog'ozni o'g'irlab ketgan. Ushbu qog'ozda bosniyalik futbolchilar penaltini qaysi tomonga tepishi haqidagi ko'rsatmalar yozilgan edi. Shundan so'ng "Manchester Siti" posboni qattiq asabiylasha boshlagani va o'zini yo'qotib qo'ygani kuzatilgan.

Ko'rinib turibdiki, bosniyaliklar nafaqat maydonda, balki uning atrofida ham italyanlardan ustun kelishdi. Bu voqea Italiya futboli tarixidagi eng omadsiz va mashum kunlardan biri sifatida muxlislar yodida qoladigan bo'ldi.

Teglar: bosniyalik, bolboy, donnarummaning, shpargalkasini, ogirlab, ketgan, ekan,
← OldingaOrqaga →