"Real"ga 92 million evroga Sandro Tonalini taklif qilishdi

2026-04-01 20:45:01 / Kiritdi: BestMaster  O'qilgan: 2136

"Nyukasl Yunayted" yarim himoyachisi Sandro Tonalining agentlari futbolchining xizmatlarini Madridning "Real" klubi prezidenti Florentino Peresga taklif qilishdi.

Bu haqda "TEAMtalk" nashri xabar bermoqda.

Tonalining o'zi Angliyada qolishni istayotgan bo'lsa-da, uning atrofidagilar Madrid klubiga o'tish imkoniyatlari ustida faol ishlamoqda. Agentlar "qirollik klubi" rahbariyatiga "Nyukasl" o'z etakchisini 80 million funt (taxminan 92 million evro) evaziga qo'yib yuborishga tayyorligini ma'lum qilishgan.

Manbaning takidlashicha, "Real" italiyalik futbolchini "Manchester Siti" yulduzi Rodrini qo'lga kirita olmagan taqdirdagina "zaxira varianti" sifatida ko'rib chiqmoqda. Madridliklar hozircha Tonali bo'yicha muzokaralarga shoshilmayapti, chunki ular Rodri transferi bo'yicha imkoniyatlarini yuqori baholashmoqda.

Sandro Tonali joriy mavsumda "Nyukasl" libosida 47 ta o'yinda maydonga tushib, 3 ta gol urdi va 7 ta golli uzatmani amalga oshirdi. "Transfermarkt" portali 25 yoshli yarim himoyachining bozor qiymatini 80 million evroga baholagan.

Teglar: realga, million, evroga, sandro, tonalini, taklif, qilishdi,
← OldingaOrqaga →